عنيــــــــــــــــــــك

عنيك كلها براءة واحساس
وقلبك قلب ملاك مش زى الناس
كلامك شعر وصوتك أرق من الماس
كل أما أشوفك بحس انى دبت خلاص
أه بحبك وهخبى ليه
بعد الحب ده كله هخاف من ايه
وهعيش ليك عمرى ولياليه
ده غرامك أحلى غرام
ياسلام على حبى ليك
كل حياتى بين ايديك
]أبيع الدنيا واشتريك
ده بجد ومش كلام
رسمت صورتك بأبسط المعانى
قلب وفيه وردة وجمبه اغانى
صورة بتعبر عن كل الأمانى
وأنا وياك هحلم بايه يا حبيبى تانى
معاك بعيش أجمل الأحلام
بفرح بقربك أه يا سلام
وبحس كأنى عايشة ف منام
دى الدنيا جميلة واحنا سوا
فى قلبى ليك شوق وحنين
ونفسى أعيش جمبك سنين
نمشى وما نعرف على فين
وأدوق معاك طعم الهوا