حوار بين اتنين

خايفه احبك انكوي بالنار
خايفه اقرب منك يجرحني شوقي ليك
خايفه احبك تسبني انهار
وانا مش حمل جراح بعيد خليك
نورت حياتي زي شمس النهار
بس مش قادره اسلم قلبي ليك

خايفه ليه وانا قلتها ليكي
بحبك وروحي وعمري ليكي
قلبك معايا بس عقلك بيبعدك عني
حياتي ليكي بس اطلبي واتمني
نفسي امحي حزنك و تعيشي فرحي
ولسه بعد كل ده خايفه مني؟؟؟؟؟

ايوه خايفه اصدقك واحلم واكتب اشعار
واصحي الاقي نفسي تايهه في لياليك
لما بكون معاك بفرح وبنسي المرار
وبخاف احبك تفتكرني لعبه بين اديك
فكرت كتير وتعبت وعقلي احتار
عايزاك ومش عايزه ابقي ليك !!!!

مش عايزاني وفى نفس الوقت بتحبيني
تصدقي في عز حزني ضحكتيني
قبلك معشتش وبيكي هتبقي احلي سنيني
الحب قدرنا وانتي احلي ما شافت عيني
كفايه اللي ضاع من عمرنا صدقيني
جربي وانسي خوفك وبحبي اوعديني ؟؟؟؟

اوعدك ازاي وانا مش عارفه اختار
بين نار بعدك والجنه اللي بحسها وانا بين اديك
يمكن بحبك ويمكن اكون فاكره ده كله لعب وهزار
بس هزار ازاي وانا بعرف اللي جواك من عنيك
انا متلخبطه ومتردده زي غيري كتااااار
مش عايزه اظلمك معايا وارجع اندم بعد ما اتعلق بيك

تظلميني وانتي معايا دانتي بقربك هتحييني
دا يوم منكون لبعض هو امل حياتي فهمتيني؟؟؟
مش عايز منك الا انك تبقي معايا وتحسيني
وعمري ما الدموع هتشوف عنيكي والا وقتها سيبيني
حياتك معايا واوعي تقولي خايفه تاني لتخسريني
بحبك وبموت فيكي يا نور عيني لسه خايفه مني ؟؟؟

جميييييييييييييييييل

اصلي يا مان وشكرا ع المرور

» حوار بين اتنين سمعهم تقيل على محطة الاتوبيه جااااااامد جدا ههههه‏
» ممكن القلب يحب اتنين؟؟؟؟!!!!!!
» حوار بين أبو تريكة و أبو جهل
» حوار عاشقان
» ..:: اجمل حوار بين رجل و امرأه ::..