بسمة !!!! وخلاص ......

بسمة وخلاص


ممكن ساعات من يأسنا
بنعيش في وهم بنخلقه
نهـرب معـاه من حـزننا
ونتوه معــاه ، ونصدقه
وما بين حقيقة
وبين سـراب
تبقى القلوب
عايشة ف عذاب
علشان دا موش من حقنا
نحلم بإن الحلم يوم
هايكون لنا
أو إننا
ممكن في لحظة نحققه
فبنخنقه
بالصمت ونعيش عمرنا
ف أسف وندم
وتدور سواقي العمر
ويدور الزمن
رغم الألم
نطوي الضلوع على جرحنا
ندفع تمن
خوفنا وسكوتنا ، وعجزنا
وآه م الحياة
ممكن ساعات
ندفن همومنا ونبتسم
بسمة وخلاص
فوق الشفايف تترسم
ولا حد عارف ولا شايف
ولا شاعر زينا
طول عمرنا إنت وانا
يا حبيبي حاسين إننا
بنهرب من الأحلام ساعات
ونتوه في أحزانا ساعــات
وساعات تاخدنا الذكـريات
ونفوق ونندم ع اللي فـات
وتسيل دموعنا ومن سكات
نمسحها بكفوفنا ونضيع
بين الجموع
وما بين حقيقة ووهم
عايشين ميتين
وف كل لحظة تعــدي
بيزيد الأنين
يفضل سؤال جوه العيون
مالهوش جواب

يا هل ترى م العمر كام
فاضل سنين ؟
أيام ؟ شهور؟
ولا دقايق أو ساعات ؟

برنسيسية والله تسلمى على كلام الجامد ده

تسلمى يا احلى برنسيسة على الكلام الجامد دة والله احساس عالى اوى

يسلام عليكى فى احساسك العالى:تسلمى

البرنسيسه هتفضل برنسيسه ميرسي

أحساس عالي من البرنسيسه لأنها برنسيسه