حوار جامد طحن بين فتاه مودرن وجدها

mazikaty 3ashek 550 670 تاريخ التسجيل : 17/10/2009

حوار بين الجد و الحفيده سنة 2080 ها تتخيلو كده
حفيدة : جدو تامر إزيك .. حلو البدي اللي انت لابسه ده . بس ده
موضة قديمة قوي يا جدو
الجد : يا بنتي أنا راجل دقة قديمة وبالبس زي ما جيلنا اتعود وحسب
التقاليد القديمة بتاعتنا

الحفيدة : أيوه بس مش حاسس إنك مخنوق وانت لابسه؟
الجد : أبداً ده هو ده اللبس المحتشم اللي مفروض الكل يلبسه
ويحافظ عليه .. فين أيام زمان لما كنا نلبس البدي اللي مبين البطن
والظهربس، مع البنطلون السترتش الجلد والجوانتي الجلد... كانت حاجة
آخر روشنة

الحفيدة : ياه يا جدو .. ده انتوا كان ليكم تقاليد غريبة خالص
الجد : وهو انتي فاكرة إن أيامكم دي أيام؟ يا بنتي أيامكو دي ما
يعلم بيها إلا ربنا .. فين أيام سنة 2002م ، هو الواحد فينا كان
يستجري يشرب سيجارة البانجو ولا يسحب له سطر بودرة قدام أبوه؟ طب ده
الدنيا كانت تتقلب ساعتها وما تتعدلش .. أمال إيه .. كان فيه حاجة
اسمها أخلاق
الحفيدة : معقول يا جدو؟ للدرجة دي؟؟

الجد : أمال انتي فاكرة إيه .. وبعدين كانت الست من دول ما تلبسش
اللبس الخليع بتاع اليومين دول .. يعني الجيبة كان لا يقل طولها عن
شبر ونص .. وكانوا الستات يلبسوا فوقيها بلوزة باستمرار ..مش زي دلوقتي

الحفيدة : يا خبر .. وإيه كمان ياجدو
الجد: ح أقول لك إيه ولا إيه .. يعني خدي عندك مثلاً .. زمان كنا
نسمع الطرب الأصيل لمطربين حقيقيين زي مصطفى قمر ، وعمرو دياب ،
وكانت الأغنية مدتها أكثر من دقيقتين متواصلين من الطرب الأصيل
والسريعة الروشة اللي تعمر النافوخ بصحيح كانوا مطربين روشين طحن
وكله كوم والست كوم تاني

الحفيدة: ومين الست دي يا جدو
الجد: في حد مايعرفش الست...نانسي عجرم طبعا
الحفيدة : وبعدين
الجد : وبعدين كنا نسمع على حاجة اسمها اسطوانات ليزر ، ودي صحيح
انقرضت ، بس
كان ليها طعم عن دلوقتي ، يا سلام لما كنا نحطها في الووكمان ونعلقه
في حزام البنطلون ونمشي في الشارع كده ،، كانت أيام جميلة
الحفيدة : حكاويك ممتعة قوي يا جدو .. ثانية واحدة بس لما أصحي
سوسو صاحبي
لأنه بايت معايا في الأودة من امبارح ..

)بعد عدة دقائق) هيه يا جدو .. وبعدين
الجد : أحلى أيام بقى كانت أيام الدراسة ، الفصل كان على أيامنا
رايق وعدد التلاميذ فيه ما يزيدش عن ستين سبعين تلميذ ، وكنا ساعتها
بنعرف نفهم الدرس كويس مش زي دلوقتي ، وكانت الشوارع أيامها فاضية
لأن مصر كلها كان تعدادها 70 مليون مش أكثر ، تخيلي بقى الروقان
اللي كنا فيه؟
الحفيدة : 70 مليون بس؟

الجد : أمال إيه .. علشان كده كانت كل حاجة رخيصة ، يعني مثلاً
كيلو اللحمة يوم ما يضربه الدم كان يبقى ب 35 او 45 جنيه ، وكان أتخن جوز جزمة بمتين وخمسين جنيه ، وكان الواحد
يقدر يشتري شقة تمليك بـ 350 الف جنيه بس .. وكان الدولار بستة جنيه
بس تخيلي بقى؟
الحفيدة : ما هو علشان كده كان الجواز على أيامكم كان سهل خالص
الجد : أمال .. ده احنا الواحد مننا كان بمجرد ما يوصل سن 35 سنة
يبتدي يفكر في الجواز على طول ، وما كانش عندنا الأفكار الغريبة
اللي بتعملوها دلوقتي زي إن البنت تعد مع الولد كام سنه قبل الجواز
علشان يتعرفوا على بعض أكثر زيك انتي وسوسو صاحبك ، أنا شخصياً شايف
إن ده وضع مش لطيف ، ده احنا يا بنتي على أيامنا كان لا يمكن البنت
تتأخر بره البيت عن الساعة أربعة صباحاً ، طب ده باباها كان ممكن
ساعتها يخاصمها

الحفيدة : ده انتوا كنتوا متزمتين خالص ياجدو!!
الجد : يا بنتي إحنا اتربينا على الأخلاق والفضيلة والعادات
والتقاليد .. يعني كان الواحد مننا زمان لما يدخل الأسانسير ويلاقي
جاره في الأسانسير ممكن يفكر يصبح عليه ، ومش بعيد كان يسأله عن
أحواله ... وكانوا أهل الفن محتشمين جداً وكانوا دايماً يطلعوا
بالمايوهات البيكيني ، والمذيعات كانوا يقعدوا جنب الضيف مش على
ركبته زي دلوقتي... هيـ يـ يـ يـ ـه الله يرحم دي أيام

الحفيدة : رايح فين يا جدو
الجد : أصلي كنت موصي الجزار على اتنين كيلو لحمة وأديته ثلاثة
آلاف جنيه عربون وعايز أروح أطمن إذا كانت اللحمة وصلت ولا لأ ..
تشاو .. سي يو

هههههههههههههههههههههههههه
بجد حوار جامد اوى وموضوع لذيذ جدااااااااااااااا
عشرة على عشرة وتسلم ايديك

mazikaty 3ashek 625 982 تاريخ التسجيل : 16/10/2009

ههههههههههههههههههههههههههههه ايه الجامدنه ده بجد موضوع ميه ميه تسلمى يا اجمل اميرة

موضوع جامد يا ساندرا بس ده من تاليفك ولا مقتيس
لو تاليفك يبقى انتى موهوبه جدا وبرضه لو مقتبس يبقى انتى زوقك جامد طحن

mazikaty 3ashek 550 670 تاريخ التسجيل : 17/10/2009

هو شويه من تاليفى وشويه اقتباس بس بجد انت اللى جامد بردوك ومجهودك العالى اللى فى المنتدى تسلم على مرورك صدام
نورت التوبيك

يبقى زوقك عالى زى ما قلتلك

رومانسى نيو 15 29 تاريخ التسجيل : 17/10/2009

فكره حلوه بس مش لدرجادي

mazikaty 3ashek 601 739 تاريخ التسجيل : 18/11/2009

حوار جامد أخر حاجه مرسي علي المجهود الرائع

موضوع جامد اوى

تسلمي علي الموضوع الجامد اوي دة

mazikaty zooom 449 524 01/10/1995 تاريخ التسجيل : 16/12/2009 29

توبيك جامد اوووووووووووووي تسلمي يا قمر

ومالة شغال
جامد
تسلم ايديكى

mazikaty 3ashek 550 670 تاريخ التسجيل : 17/10/2009

حماده حسن كتب:: فكره حلوه بس مش لدرجادي

اولا محدش قالك تبدى رايك اللى زى العسل ده
الفكرة حلوة واحلى من الدرجه ده

mazikaty 3ashek 550 670 تاريخ التسجيل : 17/10/2009

pepo كتب:: حوار جامد أخر حاجه مرسي علي المجهود الرائع

نورت ايهاب ميرسى على مرورك

mazikaty 3ashek 550 670 تاريخ التسجيل : 17/10/2009

khaled_pop كتب:: موضوع جامد اوى

ميرسى ليك انت اللى نورت

mazikaty 3ashek 550 670 تاريخ التسجيل : 17/10/2009

ضحايا الحب كتب:: تسلمي علي الموضوع الجامد اوي دة

ميرسى نورت التوبيك

mazikaty 3ashek 550 670 تاريخ التسجيل : 17/10/2009

MAI كتب:: توبيك جامد اوووووووووووووي تسلمي يا قمر

ثانكس مى نورتى

mazikaty 3ashek 550 670 تاريخ التسجيل : 17/10/2009

wila كتب:: ومالة شغال
جامد
تسلم ايديكى

وماله وليد نورت التوبيك

اصلي يا نور متخليش حد يشك في قدراتك

» امهااااااااااات مودرن
» ..:: اجمل حوار بين رجل و امرأه ::..
» امتحان وزاري جامد
» الاغاااااااااااااااااااااااااااااااااانى
» *****الضحية***** موضوع جامد جدااااااااااااا