كتر الجراح

أنا مش باقية عليك مش ناوية أعيش فى الجو ده
واللعبة اللى فى إيديك عرفت تكون متمردة
ياحبيبى أنا مش كده إنت اللى خليتنى كده

ضيعت سنين كتير وأنا كنت عايشة مغيبة
تنسى وبتروح بعيد وأنا فى الجراح متعذبة
خليتنى أكره يأولوا عليا إنى طيبة

أنا من كتر الجراح مبأتش عارفة أعدها
وبنيت أحلام كتير لكن غرورك هدها
كداب بس الحقيقة فيوم بتكشف نفسها

شكراً على كل حاجة عشان خلاص فوقتنى
إنت مظلمتنيش بالعكس دنتا لحقتنى
ومسيرى فيوم هعيش مع حد قلبه يحبنى

بينى وبينك حجات مش عايزة حاجة منها
وخلاص الوقت فات كل اللى كان بينا إنتهى
مش فاضل ذكريات بينا عشان أرجعلها

أنا كنت سنين كتير عن الحقيقة مغمضة
من بدرى أنا شاكة فيك دلوقتى أنا متأكدة
من حقى فيوم أعيش ولا إنت رأيك غير كده