هتعملي اية لو مخطوبة لواحد زي ده ؟؟

خطيب بارد جدا جدا

هو و هى مشيين على الكورنيش .. الجو حار .. الشمس محرقة

هي : عطشانة .

هو : وأنا كمان.

هي : يعنى ... عايزة اشرب!

هو : أكيد مادام عطشانة يبقى عايزة تشربي .

هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة .

هو : ومين اللي هيحاسب ؟؟

هي : أنت طبعاً .

هو : منين ياحسرة .. ماانتى عارفة الكانز وغطاه .

هي : ماقلتش عايزة كانز .. كفاية إزازة مية ساقعة .

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .
هو : في الحر ده .. ماينفعش .

هي : بلاش دى .. نأخد مركب عالكورنيش .

هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن ده رخيص .

هو : إنتى تضمني منين إن الراجل غاسل إيده وغاسل الترمس
هي : أعوذ بالله .. إنت مقفلها كده ليه ؟؟

هو : بصراحة معييش فلوس .

هي :يا سلام!! .. ماأنت كان معاك إمبارح .

هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى .

هو : أكذب عليكى يعنى .

هي : لأ .. تحرق دمى أحسن .

هو : أنا مش شامم ريحه شياط يعني .

هي : يخرب بيت البرود .

هو : برود إيه ؟؟ ماهو الجو مولع أهو .

هي : إنت اللي بارد .

هو : بارد إزاى ؟؟ دا أنا بشُر عرق .

هي : بقولك إيه .. روحنى .

هو : أروحك ؟! هو إنتى ماتعرفيش تروحي لوحدك .

هي : آآآآه .. طب أنا ماشية .

هو : ليه يا حبيبتي؟

هي : حبك برص .

هو : والله البرص بيفهم عشان حبني.

هي : بجد كده كتير .

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشي؟؟

هي : أيوة وحالاً كمان .

هو : طب استني لما نوصل آخر الشارع .

هي : اشمعنى ؟؟

هو : أصل أنا ساكن هناك .. و مايرضكيش أروح لوحدى .

هي : لااااااااااااااااااااااا

هو : ينفع كده ترمي نفسك في الميه مين هايوصلني بقى

ارجو مشاركه جميع البنات

ههههههههههههههههههههههههههههه
ده فعلا الحر بيجى معاه بالعكس

بس معتقدش ان فى فى الدنيا ناس بالبرود ده

لو فى منه اتنين كانت البشرية اتدمرت اكتر مهى مدمرة

انا لو بعد الشرررررررررر مخطوبة لواحد زى ده هعمل زى معملت البت
هرمى نفسى فى المية بس هشدوا معايا عشان يغرق مهو انا مش هغرق لوحدى

يا نعيش عيشه فل يا نموت احنا الكل

هههههههههههههه

كلام حلو

بس لو انا مخطوبه لواحد زى ده لا يمكن اكمل مع الشخص ده

مستحيل

لو كملتي تبقي اكيد مجنونه

ده انسان مجنون ومعقد انا لو مخطوبة لواحد زي ده كنت موت نفسي ولا عرفته في حياتي

ههههههههههههههههههه
ربنا يخدوا وااله حرام البنت تنتحر وتسيبه لوحده

ربنا يكرمكم بواحد زى ده

هههههههههههههههه
جااااااااااااااامد اووووووووووى يااااااااض

» افتراضي لما تحب توصل رساله لواحد ........ خش واتعلم ....خليك ذكى فى توصيلها