ازاى تتعامل مع خطيبتك؟؟؟

1 ـ خليك دايماً على اتِّصال بخطيبتك؛ للاطمئان عليها، ومفيش مانع من كلمة حلوة؛ لأن الموضوع ده هيترك أثر جامد في نفسها.

2 ـ حسّسها دايماً إنها أحلى بنت في الوجود، وإن دي فعلا البنت اللي كنت بتتمناها من زمان.

3 ـ انتهز أي فرصة وهات لها هدية حتى لو بسيطة؛ لأن الهدايا بتقرّب المسافات، وبتفرّح أي حد.

4 ـ تجنب أي تصرف يدلّ على العنف والتهور، زي لما تكونوا خارجين وحدّ يبص لها تقوم تضربه أو تتخانق معاه.. يعني من الآخر كده: خليك جنتل مان في كل تصرفاتك.

5 ـ راعي مشاعرها في تصرفاتك، واوعى تبص أو تعاكس أو حتى تمدح في بنت تانية قُدّامها.

6 ـ حسّسها دايماً بإنك قادر على تحمُّل مسئولية الحياة بعد الجواز، وده عن طريق إنك تتكلم معاها في أمور الحياة، وتديها آراء جادة، دون الاعتماد على آراء الآخرين.. يعني مش لما تسألك على حاجة تقول لها: معرفش.. لما أسأل بابا أو أسأل ماما؛ لأن الكلام ده ممكن إنه يضايق أي بنت، ويحسّسها إن خطيبها غير قادر على تحمل المسئولية.

7 ـ اشرح لها إمكانياتك المادية وطموحك اللي ناوي تحققه في ضوء الإمكانيات دي من غير كدب أو تزييف.
وفي النهاية أحب أقول لكل ولد وبنت مخطوبين حاجتين اتنين وبس:

الحاجة الأولى:
وهي إن كل طرف يكون عنده استعداد يتغيّر للحاجة اللي بيحبها الطرف التاني، وحابب إنه يشوفها فيه.. وخاصة إذا كان التغير ده هيكون للأحسن.

الحاجة التانية:
بلاش التسلط ومحاولة فرض الرأي بدون أسباب منطقية.. ومفيش طرف يدي قرارات للطرف التاني على شكل أوامر إذا لم تنفذ فإن العقاب سوف ينزل..

انا بقول ان كل واحده ليها معامله خاصه يعني مش كل البنات زي بعضيهم

ازاي يعني اسيب شغلي واكلمها في التليفون ياعم دول عالم فاضية

ع فكرة اى كلمة حلوة ممكن ترضى بيها اى بنت مهما كانت

تانى حاجة يا ميدو انت بتأول لازم يحسسها انها البنت اللى بيتمناها والطرق اللى قلتها دى

هى ص بتجيب مع البنات بس المهم يكون من قلبك فعلا مش مجاملة عشان تسكت والسلام

نايس توبيك يا قمرى

الله يخليكي يا عمري

ميرسى طب يا ترى يا هل ترى هتعامل خطيبتك كده مجاملة ولا من قلبك(مهو لازم تعملها حلو غصب عنك)
بس بجد هيكون من قلبك ولا كده وكده عشان تسكتها؟؟؟؟؟؟؟؟؟؟

لا من قلبى

الراجل مبيعملش حاجه غصب عنه

الله عليك ياجعيدى

بس مع الستات لازم غصب عنك يا جعيدى

ياريت نحترم نفسنا والكلام مش ليك طبعا يا صديقي

بجد جامدة جدا

بجد فعلا التوبيك جااااااااااااااااااامد تسلم