شايفها فى احلامى

مين اللى دايما شاغلانى ومخليانى أحبها
مين اللى شايفها فى احلامى وبحس انى بضمها
عارف صفاتها كلها مع انى معرفهاش
بتبان فى عينى ملاك وأنا لسة مشوفتهاش
واللى أغرب بلمسها وبلاقى صورتى فى قلبها

دورت كتير عليها تعبت ومش بلاقيها
أنا قولت أستنى تجينى وساعتها هحس بيها

بقابلها كتير فى أحلامى وكتير بلمس ايديها
وأما بصحى وأفتكرها بكون ملهوف عليها
وأحاول أفتكر ملامحها وغصب عنى
مش فاكر حاجة منها مع انى حاسسها منى


دورت كتير عليها تعبت ومش بلاقيها
أنا قولت أستنى تجينى وساعتها هحس بيها

الله عليك يابرنس وعلى رقه احساسك فى كلامك تسلم على كلماتك الجميلة وعلى احساسك العالى

بجد احساسك جامد وكلماتك حلوة كتير تسلم محمد اوى

يا سلام ع الاحساس العالي

اية ياعم محمد دا اقول اية ياراجل لسانى عاجز عن الشكر
يخربيت احساسك يودى فى دهية؟
جامد ياواد طالع لعمك

فنان ياكبير والله فنان