يوميات قلب مجروح الفصل الرابع

ظبط حازم نفسه وركب البولمان وراح على القاهرة وطول الطريق مابطلش تفكير فى مروة ويا ترى ايه اللى هيحصل بالظبط وصل حازم فعلا القاهرة ونزل اول الطريق وخد تاكسى على كنتاكى اللى فى شارع عبد العظيم عوض الله ادام نادى الشمس ونزل من التاكسى ولقى بنات كتيرة اوى واقفة واحتار يا ترى مين مروة يا رب تكون دى لا يا رب تكون دى لا دى اجمل وكان لسه فاضل على الساعة 8 والميعاد 10 دقايق ماقدرش حازم يصبر وطلع موبيله واتصل بمروة الو مروة انتى فين...انت فين...انا ادام كنتاكى انتى واقفة فين...لا انا خلاص اهو فى التاكسى وادامى خمس دقايق بالظبط...اوكى يلا متتاخريش عليا...اوكى باى...باى.


يا خسارة مطلعتش ولا واحدة من اللى واقفين يلا انا هتعب نفسى ليه خمس دقايق وهتيجى دة حازم بيكلم نفسه طبعا. فاتت الخمس دقايق وموبيل حازم رن ...حازم انت فين انا وصلت...(قلب حازم اتخطف خطفة جامدة جدا)ايوة انا واقف ادام كنتاكى بالظبط ...انت اللى لابس بنطلون بيج وقميص ازرق وشعرك سبايك؟؟؟(حازم جواه بيدعى يا رب يكون اللوك عمل شغل) اه يا مروة انا دة امشى ولا ايه وبعدين انتى فين...لا طبعا ما تمشيش بص وراك كدة بالظبط...
وبص حازم وراه ولاقي بنوتة ملامحها امورة جدا وشكلها بيبى اوى وستايل وقصيرة شوية وشعرها ناعم وعملاه على جنب بطريقة جميلة جدا وعنيها زى السما الصافية لما تحب تفضل باصصلهم وتحس انك مرتاح اوى.انتى مروة؟؟؟ اه انا مروة. فضل حازم متاخد شوية وبعدين فاق على صوت مروة ايه انت فين...انا معاكى طبعا...ايه مقولتش رايك يعنى...انتى امورة اوى يا مروة...يعنى زى ما اتخيلتنى؟؟؟ احلى بكتير يا مروة بكتير اوى...ايه وانتى ايه رايك بقى...انت كمان امور اوى يا حازم وما تحرجنيش بقى...ههههههههه.

طيب تحبى نقعد فى مكان ولا هنجرى؟؟؟ لا طبعا محدش هيجرى خلاص ولا ايه...اكيد طبعا.طيب تعزمنى على ايس كريم؟؟؟ دة انتى داخلة على طمع بقى...اه طمعانة فى ايس كريم فراولة...اه قولى كدة بقى...ههههههه.
ودخل حازم مع مروة وهو طاير اول مرة فى حياته يقابل بنت لا وكمان اول مرة بنت تقوله انت امور لا وكمان البنت دى بتحبه وبيحبها زلزال جامد اوى شغال فى قلب حازم وماسك نفسه على قد ما يقدر رغم انه ماقالش جملتين على بعض بس اللى قاله لحد دلوقتى بالنسبة لكسوفه يعتبر انجاز.

قعد حازم مروة وراح طلب الايس كريم وهو راجع فرحان بنظرات كل الناس ليه مع بنوتة زى القمر ومستنياه وفرحان اوى بالوضع الجديد اللى هو فيه ونفسه ينزل دلوقتى يجيب صحابه ويشوفوه وهو قاعد وبيقابل وبيسطر اول سطر فى حكاياته.

ايه اتاخرت عليكى؟؟؟ اه وحشتنى اوى الشوية دول...امال انا اعمل ايه انا من امبارح ما نمتش وبفكر فيكى وطول الطريق بفكر فيكى لحد ما قولتيلى بص وراك.مروة...نعم...انا... انا بحبك اوى يا مروة. ههههه وانا كمان يا حازم بحبك اوى ومش مصدقة اننا اخيرا اتقابلنا وقاعدين بنتكلم مع بعض كدة عادى...ولا انا كمان والله يا مروة يلا دنيا بقى هنعمل ايه.ههههههههه. ضحكتك حلوة اوى يا مروة...ميرسى يا حازم انت كمان كل حاجة فيك حلوة...ايه دا انتى تقصدينى انا؟؟؟ايوة يا رخم انت امال يعنى مش هعرف اكلم وانت لسانك اد كدة اهو.....والله يا مروة انا ما عارف بكلمك ازاى هى ماشية كدة بظروفها بس وانا راكب وجايلك قولت انا اعتبرك واحد صحبى ولسانى هيبقى طويل لوحده...يعنى انا دلوقتى واحد صاحبك يا حازم...انتى حبيبتى يا مروة...فى حد يقول لصاحبه حبيبتى؟؟؟ ههههههههههه...انتى رخمة اوى يعنى ما صدقت ربنا يكرمنى ولسانى ماشى ومنسجم وعايش حالة لازم ترخمى...ههههههه لا خلاص خلاص انا بهزر معاك...ماشى يا خفيفة.


وفضل اللقاء ماشى زى الفل وفوق ما توقع حازم انه يمشى وعاش وقت كان اجمل وقت قضاه فى حياته وتاريخه بالنسبة له دى اول مرة يتعامل مع بنت مباشرة لايف على الهواء مش بس كدة وادى اداء جيد جدا كمان.وجه وقت الوداع عشان مروة اتاخرت ولازم تقوم بقى. انا هوصلك وهستنى معاكى لحد ما تاخدى تاكسى ...اوكى يلا بينا...تاكسى فاضى اهو شاوريله...لا سبيه هناخد اللى بعده...ماشى ...هشوفك تانى....اكيد يا حازم هنتفق انا خلاص مقدرش اعيش من غيرك...ولا انا كمان يا مروة والله اول ما توصلى كلمينى...وانت هتسافر ولا هتبات عند عمتك...لا هسافر عشان الكلية وكدة ومعملتش حسابى اقعد...اوكى اول ما توصل كلمنى وطمنى ماشى...بتخافى عليا...مروة وهى مكسوفة اكيد طبعا بخاف عليك...ممكن نوقف التاكسى الجاى دة بقى...حاضر.

وتركب مروة التاكسى وحازم عنيه ما نزلتش من على عين مروة وهى كمان ومشى التاكسى وبيبعد وهما باصين لبعض لحد ما بعد خالص واختفى خلاص ساعتها حازم حس ان مروة وحشته اكتر واكتر وانه خلاص فعلا ما بقاش هيقدر يعيش من غيرها وابتدى ياخد تاكسى عشان يروح ويسافر ويرجع على اسكندرية.


وهو راجع جاتله رسالة سورى ماعيش رصيد انا وصلت الحمد لله بليز ابقى طمنى عليك لحد ما توصل وادينى رنة انك كويس دلوقتى عشان مش هعرف ارد عليك. وضحك حازم وساب نفسه ورااااااااااح فى نوم عميق اوى لانه بقاله كام يوم ما نامش من التفكير ونام من التعب ومن الفرحة فى نفس الوقت وما صحيش الا على صوت رخم اوى وكان بيحلم بمروة طبعا...يا استاذ انت يا بشمهندس ...ايوة نعم نعم...صباح الخير يا باشا حمد الله على السلامة الاجرة .

روح حازم وهو طالع البيت اتصل بمروة واتفقو يقعدو على النت شوية وكانت مروة مصرة انه تعبان ولازم يرتاح لكن حازم اصر قالها نص ساعة بس وافقت مروة طبعا عشان خاطره. ودخل حازم وسلم على ماما وبابا واخوه ايه فينك من الصبح...كنت مع صحابى يا بابا خارجين تغيير يعنى انت عارف اسكندرية حفظناها قولنا نغير جو شوية...ماشى المهم اتبسطت يعنى...اوى اوى اوى يا بابا...طب يا رب دايما...يا رب يا بابا طب انا هدخل اغير وانام شوية بقى عشان تعبان تصبحو على خير.

دخل حازم وقعد مستنى مروة ودخلت وسالته قولى بقي ايه اكتر حاجة عجبتك فيا...عنيكى حلوين اوى...بس؟؟؟ لا وضحكتك طبعا...بس؟؟؟اه وطولك هههههههههه...لم نفسك يا حازم مش عشان انت طويل خلاص بقى...لا اطمنى انا بحب البنت تكون قصيرة...طب الحمد لله...هشوفك امتى تانى...الوقت اللى تحبيه انا جاهز اوكى اشوفك الاحد الجاى...كدة على طول ماشى انا جاهز ...طيب خلاص كلمنى بكرة ونتفق...ماشى.


واستمر الوضع دة حوالى 3 شهور وحازم ومروة عايشين قصة رومانسية جامدة اوى زى اللى طول عمر حازم بيحلم بيها ويمكن اكتر وفضلوا يتقابلوا باستمرار فى نفس المكان بتاعهم طول ال 3 شهور دول لحد ما فى مقابلة من المقابلات حصلت حاجة غير متوقعة على الاطلاق كانت اول سبب فى تغيير حياة حازم تماما وكانت مفاجاة وبداية خطوة تانية مكنش يعرف عنها اى حاجة.

بكرة انشاء الله هنعرف ايه اللى حصل لحازم فى المقابلة دى وابتديت بعدها حياته تتغير ازاى

ناااااااااااااااااايس يانونى

ميرسي يابودي

ناااااااااااااااااااايس

ياسلام
ده ايه الجمال ده

نااااااااااايس جميلة اوى