يوميات قلب مجروح الفصل الخامس

فضل حازم ومروة فى قصتهم الوردية خصوصا بالنسبة لحازم اللى عايش احلى حلم فى حياته مع مروة واستمرت المقابلات وكل ماشى زى الفل لحد ما فى يوم وفى مقابلة بينهم حصل الأتى :
حازم مع مروة فى كوفى شوب اسمه جراند وكانت اول مرة يقعدو فى كوفى شوب مع بعض. والحال ماشى تمام ومنسجمين كالعادة وفجاة جت شلة بنات نحية حازم ومروة.

هاااااااااااااى مروة...هااااااااااى ايه دا انتو هنا النهاردة...ايوة يا بنتى احنا مش قولنالك النهاردة خارجين...اه بس معرفش انكو هتيجو هنا...حازم دى داليا وايه ودينا صحابى ...دة حازم عارفينه طبعا...اكيد والله يا حازم دى صدعتنا بيك طول اليوم حازم حازم...حازم بكل كسوف اه مع انها عمرها ما صدعتنى بيكو...يا خاينة يا مروة مابتجبيش سيرتنا ماشى ما انتى طول عمرك اى كلام...طيب يلا هنسيبكو لوحدكو بقى عشان بقيت الشلة جاية اوكى ابقى هاتى حازم وتعالو اقعو معانا...اوكى يلا باى باى.

شكلهم بيحبوكى اوى...اه يا ابنى دول بقى شلتنا وداليا دى انتيمتى وحبيبتى ...تمام ربنا يخليكو لبعض...لو عايزة تروحى تقعدى معاهم اوكى عادى انا كدة كدة هنام عند عمتى النهاردة يعنى...لا لا طبعا ماهم موجودين ومعايا كل يوم يعنى اكيد انت اهم...بجد؟؟؟ طبعا انت اغلى من الدنيا كلها...ربنا يخليكى ليا.

فضل الوضع كدة فى الفيلم الابيض والاسود دة لحد ما شاف حازم حاجة كانت صدمة بالنسبة ليه.
شاف شلة مروة كلها بتشيش اتصدم ووشه كله جاب الوان.وسال مروة...مروة هما صحابك بيشيشو؟؟؟ اه يا ابنى طبعا دول دماغ...والله؟؟؟طب وانتى ايه نظامك دماغ زيهم؟؟؟ اه انا كمان دماغ بس مش زيهم اوى يعنى انا اقل منهم شوية يعتبر...انتى بتكلمى بجد يا مروة؟؟؟ ايه يا حازم فى ايه مالك عادى يعنى فيها ايه؟؟؟مفيهاش حاجة يا مروة انا تعبان اوى النهاردة انا هحاسب ونمشى او امشى انا واسيبك انتى مع صحابك...مالك يا حازم فى ايه...مفيش يا مروة بقولك تعبان شوية...لا انت اتغيرت لما شوفت صحابى بيشيشو ايه يا حازم هى دى حاجة غريبة عندكو؟؟؟ عندنا دة اللى هو فين يعنى...عندكو فى اسكندرية يا حازم...انا جايلك من الكفر ولا ايه يا مروة ولا يمكن جايلك من كوكب تانى اى حد راجل مش هيقبل كدة على اخته ولا امه ولا حبيبته انتى عارفة لما الولاد بيشوفو بنت قاعدة وبتشيش بيقولو عليها ايه؟؟؟ هيقولو ايه يعنى يا حازم؟؟؟ بلاش احسن اقولك...بس على فكرة مفيش بنت محترمة تقعد وتشيش وتعمل اللى انتى شايفاه دة... حازم الكلام دة عندكو انتو بس هنا اللى انت بتقوله دة ممكن يضحكوا عليك فيه يا بنى فى ايه...تانى عندكو يا مروة؟؟؟ طيب يا ستى انا متمسك بتقاليد وعادات عندنا انا متخلف وانتو هنا كلاس بس وانا ماقبلش حبيبتى تكون كدة...كدة ازاى يعنى يا حازم والله بقى انا كدة ودى حياتى ...ماشى يا مروة يبقى انا اسيبك لحياتك انا حياتى مش عايزها تكون كدة...حازم انت بتقول ايه يا حازم انا بحبك اوى وماقدرش اعيش من غيرك...والله؟؟؟ لسه فاكرة انك بتحبينى انا مش عارف اقولك ايه انا بجد مصدوم فيكى اوى حاولى تتغيرى يا مروة مش عشانى عشان نفسك انتى.انا ماشى...حازم استنى ما تمشيش ...معلش لازم امشى دلوقتى احسن لى واحسنلك.

مشى حازم وطول الطريق وهو راجع مصدوم مش قادر يفكر بقى هى دى مروة واللى حصل دة لحازم كان صدمة لانه كان شايف ان البنت اللى تعمل كدة ما تبقاش محترمة حتى لو هى محترمة ولانه راجل وجدع ما عجبهوش الوضع دة وخاف اوى لما سال نفسه يا ترى مروة مخبية ايه كمان فى ايه كمان لسه معرفتوش عنها.
روح حازم وطول الليل عايش مع الصدمة بالنسبة له كانت صدمة جامدة اوى كمان مع ان للاسف فى ناس كتير ممكن تشوفها عادى بس هو تعب منها هو واللى تعبه اكتر ان مروة مرنتش حتى رنة والساعة داخلة على 1 ونص.


بكرة بقي حنعرف ايه الى حصل لحازم تانى ومروة كلمته تانى ولا هوه الى كلمها ؟؟؟؟؟؟
 

فيرى نااااااااااااااااااااااايس نهى

ya rab tkon f3lan 3gbako

ناااااايس بنت عمي

فيررررررى ناااااااااايس