يوميات قلب مجروح الفصل السادس

قرر حازم يكلم مروة ويسالها ليه حتى ما اتصلتش واتصل كذا مرة ومروة بتكنسل وفضل يحاول لحد ما جت الساعة 2 ولقى الموبيل بيرن ومروة بتتصل ...الو ...ايوة ازيك...زفت ما بترديش عليا ليه...مكنش ينفع ارد...ليه صحابى كانو بيوصلونى ومكنش ينفع ارد عليك لانهم شافو انك مشيت وانت زعلان وطبعا مش هرد عشان هيقولو عليا ايه معنديش كرامة...والله يا مروة انتى شايفة انك لو كنتى رديتى عليا وانتى مع صحابك هيقولو عليكى كدة وخايفة اوى من كلامهم...اه يا حازم مش صحابى...يعنى صحابك اهم منى مش كدة...انا مقولتش كدة...ثم يا هانم صحاب ايه اللى بيوصلوكى الساعة 2 ازاى تفضلى لبرة كل الوقت دة...ايه يا حازم عادى انا برجع فى الوقت دة...يا سلام وقولتيلهم عندك فى البيت ايه كنتى فين وماشافوكيش راجعة متاخرة...يعنى ايه كنت فين بابا وماما عارفين انا كنت فين ومع مين وعارفين هشام اللى وصلنى كويس اوى...عارفين مين؟؟؟ هشام ماهو معايا فى المدرسة والدروس وعارف بابا وماما...ووصلك ازاى هشام؟؟؟بعربيته وكان معايا داليا ودينا كمان وعمرو.

هو كمان كان فى عمرو ...ايه يا حازم مالك فى ايه مش شلتنا وصحابى ...وعشان كدة بقى مكنتيش بتردى عليا مش كدة... عشان هشام وعمرو طبعا قافشة عليا وبتأدبينى او مكنتش فى بالك اساسا وطبعا شيشتى مش كدة...ايوة يا حازم اتنيلت مش كنت منرفزنى وكنت عايزة اهدى طبعا...اه وانتى مش بتهدى غير كدة صح يعنى لو زعلنا امشى وفى جيبى شيشة عشان اهديكى...بطل خفة يا حازم...بطلى انتى تكلمى بالطريقة والبرود دة...حازم انت مالك انا عملت ايه لكل دة يعنى....معملتيش اى حاجة طلعتى بتشيشى وكمان بتركبى مع ولاد العربيات والساعة 2 وكمان اهلك مدينك حرية غلط فى غلط يبقى اكيد كمان الوضع الباقى كله هيبقى غلط كل دة ومعملتيش حاجة مش كدة...بالنسبة لك انت يا حازم دى حاجات يمكن تكون غلط بس دة بالنسبالى عادى انا ممكن عشان بحبك ولو انت طلبت منى ابطل شيشة اوعدك احاول ابطل....لا والله يبقى فيكى الخير بصراحة بس مقدرش اطلب منك حاجة زى دى...ليه يعنى...عشان لو بطلتيها صحابك هيقولو ايه كرامتك يا مروة عيب. مروة انتى عارفة انا اتصدمت فيكى ليه ... ليه وشبه دموع ابتدت تنزل من مروة...عشان كنت فاكرك فى عنيا ملاك يا مروة.

تنهار مروة وتعيط وتقول لحازم حازم اوكى انا لو عايزنى اتغير هتغير عشانك بس اصبر عليا وانا هبقى زى ما انت عايز بس ما تزعلش منى بس انا لما بتنرفز ببقى رخمة اوى انا عارفة...ماشى يا مروة اسيبك وبكرة ان شاء الله نتكلم تكونى هديتى واكون انا كمان فوقت من الصدمات اللى خدتها النهاردة.

وينام حازم ويصحى على صوت موبيله لا مش اتصال دى رسالة وجاتله رسالة من مروة وكانت بتقول :

انا فكرت كويس اوى فى اللى حصل وطول الليل مع صحابى بكلمهم فى الموضوع واللى حصل وكلهم نصحونى مانكملش لان انا وانت طريقة تفكيرنا مختلفة وهنتعب اوى مع بعض وانا مقتنعة باكلام دة جدا انا اسفة بجد بحبك اوى وفعلا مقدرش اعيش من غيرك وهستنى منك تكلمنى او تبعتلى رسالة تقولى انك ممكن انت اللى تتغير عشانى اوكى بحبك اوى.

دمع حازم لاول مرة فى حياته وقلبه كان بيدق بطريقة رهيبة اول مرة تحصله او يحس الاحساس الغريب اللى هو فيه دة وبكل شجاعة وبكل انكسار فى نفس الوقت مسك حازم الموبيل وكتب رسالة لمروة بتقول :

انا عشت معاكى احلى ايام فى حياتى وهتفضلى اول حب فى حياتى انا بشكرك انك فتحتيلى طريق الحب وانك كنتى مرحلة عشان اوصل بيها للى بحلم بيها طول عمرى اكيد ماكنش انتى لانك ماكملتيش وانا اللى بحلم بيها عمرى ما هسيبها ابدا انا كمان كنت بحبك اوى ربنا يوفقك وسلميلى على هشام وعمرو وداليا .

ويرمى حازم الموبيل ويترمى على السرير مش مصدق وبيحاول يستوعب كل اللى حصله واحدة واحدة ويشوف هيعمل ايه فى حياته بعد كدة بس فعلا كانت صدمة جامدة ليه صدمة من اول حب فى حياته.

هنشوف حازم هيكمل ازاى وهيعمل ايه ويا ترى هينهار ولا هيكمل ويحب تانى ولا خلاص هينسى الموضوع دة هنشوف ان شاء الله ايه اللى هيحصل خليكو معايا بكرة عشان نكمل بس انا عايز اعرف ارائكوا ؟

ههههههههههههههههههههههههههه


نااااااااااااااااااايس نهى

فيرررررررررررررررررى نااااااااااااااااااايس

نااايس بنت عمي

very nice

ربنا يخليكوا يارب

نايس

gooooooooooooooooooooood