يوميات قلب مجروح الفصل التاسع

خرج حازم مع صحابه وراحو كوفى شوب وقاعدين وبيكلمو وفجأة يجى لحازم تليفون وتطلع نيرمين ويقوم حازم يرد عليها الو...ايه انت لسه خارج...اه لسه...هترجع امتى...لسه يعنى شوية كدة...مكلمتنيش ليه ...يعنى اصلى قاعد مع صحابى ومجتش فرصة انا قولت وانا راجع هكلمك اقولك انى هدخل على النت(الحاجة اللى اتعلمها حازم ان لو ظهرت اهتمام زيادة عن اللزوم للبنت بتاخد حجم كبير اوى عن حجمها وانه مش لازم يسيب صحابه عشان بنت وانها لازم تستناه لما يخلص اللى وراه ومش زى ايام مروة بيقلب اى حاجة عشانها)...ايوة بس اصل انت اتاخرت وبعدين انت وحشتنى اوى...لحقت اوحشك دة احنا لسه اول مرة نتكلم...انت بتهرج دة احنا عارفين بعض من يومين...اه فعلا معاكى حق دول كتير اوى...اكيد...طيب انا شوية وهرجع وهكلمك اوكى...خلاص مستنياك.

يرجع حازم لصحابه تانى ايه يا عم مكالماتك كترت يابا ايه الكلام...ايوة صح بقالك فترة يعنى وانت مختفى من قبل الامتحانات ومع نفسك كدة وبتاع ايه نظامك...اللى اداك يدينا يا عم...بس يا ابنى انت وهو اتلمو ايه هتدورو القعدة عليا ولا ايه...ويكملو خروجتهم وتيجى الساعة 3 ويقرروا خلاص هيروحو.
ايه النظام بكرة يا حازم...مش عارف هكلمكو لما اصحى بس تقريبا لو ملعبناش كورة حنخرج بالليل بكرة الخميس بقى...خلاص اشطة موبيلات بقى .

ويروح حازم وهو بيركن يكلم نيرمين...الو...ايوة يا بنتى انا وصلت...انا داخل البيت اهو وهغير هدومى واقعد اوكى...اوكى ماشى مستنياك.
ويدخل حازم ويفتح الجهاز ويقعد...فتح الايميل...هاى ازيك...اخبارك ايه ويبتدوا يتكلمو لحد ما جه السوال من نيرمين.....انت حبيت قبل كدة يا حازم...يعنى حاجة زى كدة...يعنى ايه زى كدة...يعنى فى الاول كنت فاكره حب وبعدين طلع اى كلام...ايه سيبتو بعض؟؟؟ ايوة...كنت بتحبها بس بصراحة...لزمته ايه الكلام دة...عايزة اعرف يا حازم ايه عيب...لا مش عيب عادى ايوة كنت بحبها...وهى اللى سابتك...ايوة...ليه...اسأليها ...يعنى انت الغلطان ولا هى...انا الغلطان ممكن نغير الموضوع دة...ماشى براحتك نغيرو بس انا حاسة انها كانت قصة جامدة...اه كانت جامدة اوى...وانتى بقى حبيتى قبل كدة... يعنى كانت هبل بردو...هبل ازاى...يعنى عندنا فى نادى الشمس كانو عاملين معرض كدة بيبيع كتب وحاجات وكان فى واحد شاب بيبيع هناك معرفش حبيته ليه...ايه دة المعرض...لا خفيف الشاب اللى بيبيع...اه اكيد كان امور...يعنى ممكن بس كنت بروح اقف اتفرج ولما بحب اكلمه اشترى منه حاجة ونقف نهرج شوية وخلاص...وبعدين دة انتى على كدة اشتريتى الكتب كلها عشان تكلميه...بطل خفة يا حازم بقى قولتلك كان هبل وخلص...ماشى وبعدين حصل ايه؟؟؟
(حازم وهو بيكلم نيرمين كان بيبقى على الشات فى نفس الوقت مش بيكلم حد بس بيبقى فاتحه كدة وخلاص ويبص على الاسامى بيشوف مروة لسه بتيجى ولا لا مكنش عايز يكلمها بس مجرد حب استطلاع مش اكتر ومرة لقى اسم بنت عجبه الاسم اتعرف عليها وكلمها وطلعت من اسكندرية وعندها 14 سنة ورغم فرق السن او صغر سنها هى الا انهم بقوا اصحاب اوى بس حازم مقلهاش انه من اسكندرية قالها انه من القاهرة وبقوا صحاب جدا واعتبرها زى اخته وهى بتقوله ابيه حازم البنت دى كان اسمها نهى) .

حازم انت مش بترد عليا ليه...معاكى يا نيرمين بس كنت بكلم ماما ها مقولتليش وبعدين...انت مش معايا يا حازم خالص انا قولتلك بس كان اخرى اشترى منه كتاب ونهرج وخلاص خلص المعرض وخلصت الحكاية...اه طب كويس الحمد لله...انت كنت بتعمل ايه بتكلم حد تانى؟؟؟لا خالص انا بكلمك انتى بس...طيب ماشى شكلك سرحت فى اول حب انا فكرتك بيها...لا ابدا انا نسيت حتى شكلها...ماشى...انا هقفل دلوقتى اخواتى التلاتة زمانهم راجعين ممكن تكلمنى على الموبيل...اوكى يلا شوية وهتصل بيكى.

ويقفل حازم مع نيرمين ويفضل شوية مع نهى انا هقوم بقى دلوقتى اوكى...ليه يا ابيه...يعنى هكلم فى الموبيل شوية...اه يا عم المدام بقى وكدة...يعنى بقى كلك نظر...ممكن ابيه حازم ياخد باله من نفسه...اكيد طلاما اخته حبيبته بتسمع الكلام...بسمعه والله حاضر...يلا اشوفك بكرة بقى...اوكى باى.

ويتصل حازم بنيرمين الو...ايوة يا حازم ايه مكلمتش على طول ليه...يعنى كنت بشرب وكدة...حازم انا عايزة اقولك حاجة...نعم...انا بحبك...نعم...بحبك...انتى بتهزرى...لا يا حازم بكلمك بجد انا مشدودالك اوى وبحبك بجد...انتى اكيد شاربة بيبسى كان التلج فيه كتير شوية...حازم انا بكلمك بجد ...نيرمين احنا منعرفش بعض غير من يومين ودى تانى مرة اكلمك فيها حبتينى امتى بقى وعلى ايه احنا مشوفناش بعض اساسا...مانا عايزة اشوفك...انتى بتهرجى...مش بهرج بكلمك بجد وعايز تصدق صدق مش عايز خلاص...اوكى مصدقك...طب مقولتليش رايك...مش هينفع اقولك اى حاجة غير لما اشوفك...ماشى تحب نتقابل امتى...ايه السرعة اللى انتى فيها دى...يا ابنى لازم ننجز حاجة حسينها هنخبيها ليه ونمثل على ايه....ههههه ماشى يا جامدة انتى......ها هشوفك امتى....اى وقت براحتك....طيب انا يوم التلات عندى درس عند سارة صاحبتى فاكرها....اه طبعا خلاص بعد المدرسة مش هروحو ونتقابل عند الحرية مول عشان بيتها هناك اوكى...خلاص اوكى اتفقنا ...ماشى يلا تصبح على خير...وانتى من اهله.

فرح حازم جدا لان المرة دى مختلفة جدا والمرة دى بنت هى اللى قالتله بحبك ورغم ان القصة متشابهة فى التعارف عن طريق الشات انما المختلف الشخصية نفسها لانها جريئة جدا وقرر حازم يأجل كل الاسئلة اللى عايز يسالهلها وكل اللى عايز يعرفه عنها لحد لما يتقابله يوم التلات.

المرة الجاية بقي انشاء الله حنعرف حازم قابل نرمين ولا لاء وايه الى حصل في المقابلة دى ؟؟؟؟

فيرى ناااااااااااااااااااايس نونى

ناااااااااااااااااايس بنت عمي

اي خدمات

نااااااااااااااااايس جامدة

ناااااااااااااااااااايس يانونى

اكمل يعني

كملى اكيد ياقمر

جميل الموضوع

نايس نونى